مسلسل الحشاشين
كتب -حسن ابراهيم
بعد مرور النص الاول من شهر رمضان عدي معاه اكتر من النص الاول لمسلسل الحشاشين عشان نكون داخلين علي ال 10 حلقات الاخيرة من المسلسل واللي انهارده هنتكلم عنه .
المسلسل ده من اكتر المسلسلات اللي انا شخصياً كنت متحمس ليها جدا قبل رمضان واللى توقعت انه هيكون عمل فني ضخم جدا وحاجه مشوفنهاش قبل كدا و اللي بصراحه شايف لحد دلوقتي اني مكنتش غلطان و هتكلم معاكو انهارده عن تقيم و وجه نظري في المسلسل عموما والحلقات الفاتت.
في البدايه الحقيقه كنت منبهر جدا ومازلت منبهر بالمشاهد والأبهار البصري في المؤثرات البصريه لكن كان عندي مشكله ان احداث الي جوه المسلسل او الرتم جواه كان بطيئ ودي حاجه مكنتش مبسوط منها خالص لكن هل وجهه نظري دي اتغيرت ؟
المسلسل قدر انه يعالج المشكله دي بطريقه قويه جد و بصراحه رتم المسلسل على جدا والحماس ذاد اكتر واكتر خصوصا من اول الحلقه ال 7 ابتدي يعرضلك المسلسل شخصيات جديده زي الممثل " سامي الشيخ"
قدر المخرج "بيتر ميمي" يفرض نفسه ويورينا قدراته الاخراجيه القويه جدا في مشاهد المعارك مثال واضح لد -(مشهد الاكشن للفنان "سامي الشيخ " اللي شوفناه بطريقه تقريبا مشفنهاش في عمل مصري قبل كدا وهي ان فكرت ان واحد فقط بيعمل مشهد قتالي وبيضرب ب اسلوب وطريقه كدا تفكرك بطريقه اكشن فيلم " جون ويك" دي حاجه عجبتني وشدتني جدا ان احنا بقينا قدرين نعمل اكشن بشكل والاستيل ده ودي حاجه احنا مشفنهاش قبل كدا واثبت فيها رامي الشيخ انه فنان عالمي) + انه عجبني ان مش شرط يكون البطل هو اليعمل مشهد اكشن زي ده .
الحقيقه فعلا من بعد الحلقه ال 7 والمسلسل كله ابتدي يسخن والرتم بقا مظبوط والاحداث كلها والحلقات كل حلقه ابتدت تشدك للحلقه الي بعدها ،والي بعدها بنشوف في الحلقه ال 8 مشهد جامد لم بنعرف هدف حسن الصباح البيكون عايز يحتل القلعه وينشر نهجه ويخلي كل الحوليه يتبعو ويؤمنو بيه.
الحقيقه مخطط حواري قوي جد في المسلسل من " كريم عبد العزيز " و انه بيقنع اناس ان هو المعاه مفتاح الجنه وفكره جمده جدا استخدام الحاشيش بي انه يقنع اناس انه بيحسسهم بلحظه من الجنه عايز يقول ليهم مبالكم لم تموته بجد شوفه بقا الجنه الحقيقه هتكون عامله ازاي لم تتبعوني وتؤمنو بيا بصراحه فكره وطريقه ثعبانيه وشيطانيه .
"وكريم عبد العزيز" عملك فعلا الشخصيه صح رغم كل الشر والمكر ده بس انا ونت وكلنا بنتعاطف معاه يعني مثلا مشهد المعركه بتاع الحلقه 11 انت في حته جواك عايزه جيس حسن الصباح هو اليكسب المعركه.
وحاجه حلوه ان المسلسل عارف كويس ان انه مينفعش يخليك تفضل تحب شخصيه حسن الصباح وتفضل متعاطف معاها فا بيبداء يوريك تحول الشخصيه يعني تقريبا لم خلصت الحلقه 15 محدش فينا كان متعاطف معاه و انا متوقع خلال الحلقات الجيه اننا هنكره شخصيه حسن الصباح جدا
خلال الاحداث .
تعليقات
إرسال تعليق