ملخص رواية ماذا لو للكاتبة ساندرا سراج

 ولاد رزق واحتلالهم الساحة الفنية

كتب -حسن ابراهيم

  الفيلم بتاعنا بعضنا بيحب الجزء الاول منه عن التاني والبعض بيفضل الجزء التاني عن الأول بس اللي مفيش اختلاف عليه انه بيكون واحد من انجح افلام السينما المصريه خلال ال 10 سنين اللي فاتت، واللي البعض بيعتبر إنه من اعلي افلام الاكشن اللي اتعملت في مصر هو "ولاد رزق " اللي حقق الجزء اللي فات المرتبه الرابعه من حيث الايرادات بعد فيلم "بيت الروبي" و"كيره والجن" و "الفيل الازرق2".

  كلها ايام قليله وينزل الفيلم ان شاء الله في عيد الاضحي تحت عنوان " القاضيه" فمفيش وقت مناسب نتكلم عنه اكتر من ده ، فهل فعلا هو هيكون الافضل السنه دي؟.

كلنا شوفنا الخبر العظمه وهو ظهور الفنان "كريم عبد العزيز" كضيف شرف في الفيلم واللي انا شايف انه هيعلي شعبيه الفيلم جدا وهيخلي ناس كتير جدا مستنيه الفيلم ومتحمسه ليه واكيد وكلنا بنتسائل من دلوقت عن تفاصيل ظهوره هل "كريم عبد العزيز" هيكون بيمهد لجزء رابع من الفيلم ولا هنختم بي "القاضيه" وهيكون ظهوره مجرد انه هيساعدهم خلال احداث الفيلم وبس ... بصراحه انا متحمس جدا متأكد انكم متحمسين زيي .

خليني اقولك ليه ممكن يكون فعلا هو الفيلم الافضل خلال سلسله عيد الاضحي؟ وعشان اجاوبك لازم اكلمك عن مخرج الفيلم، الفيلم بيكون من اخراج المخرج الكبير "طارق العريان" اللي ناس كتير ونا واحد منهم بنشوفه من انجح المخرجين في افلام الاكشن لانه بيكون قدملنا اعمال كتير وافلام اكشن حلوه زي "تيتو" الفيلم اللي كلنا بنحبه واللي وقت نزوله كان نقله في السينما العربية من حيث الاكشن ، و اخرج كمان فيلم "الخليه'' و "الامبراطور" للعملاق الراحل الفنان" احمد زكي" وبردو بيكون هو اللي اخرج الجزء الاول والتاني للفيلم بتاعنا فإحنا معانه مخرج جامد جدا.

اما تاني حاجه بقا وهي طاقم العمل الي زي ما احنا عرفنهم الفنان "احمد عز" اللي بيقوم بدور شخصيه "رضا رزق" اخوهم الكبير وبيكون القائد والعقل المدبر ليهم والفنان" عمرو يوسف" اللي بيقدم دور ربيع الاخ اتاني البيكون اصغر من رضا على طول و الفنان " احمد الفيشاوي" اللي بيقدم دور "عاطف "و الفنان "احمد داود" اللي بيعمل دور "رجب" 

ولكن هل فعلا احمد الفيشاوي واحمد داود مش هيظهروا معانا خلال الجزء التالت خصوصا بعد مظهر كلام ان مفيش حد فيهم هيكون في الفيلم ؟ 

خليني اقولك ان لو تفتكروا معايا ان" احمد الفيشاوي " كان من أوائل الناس اللي اعلنت عن الجزء التالت من الفيلم وان بردو هو و "احمد داود " الاتنين صرحوا انهم معندهمش اي مشكله يظهروا في الجزء التالت فممكن يظهره اه ممكن ، وممكن ميظهروش ، بردو ممكن ، وممكن يظهرو لكن كظهور مفاجئ في اخر الفيلم كل ده هنعرفه لما الفيلم ينزل ونشوف الفيلم.

تالت حاجه معانه بقا واللي هي كانت مفاجئه كبيره لكل الجمهور لما شوفناها في نهايه الجزء التاني وهو ظهور شخصيه "الشايب " اللي بيقدمه الفنان " اسر ياسين " وهي من اهم الشخصيات اللي هتكون اضافه قويه في الفيلم واللي هتخلي ناس كتير اوي تخش الفيلم ده عشانه.

 واللي ميعرفش مين " الشايب" ، فهو شخصيه كان المفروض ان هي ليها فيلم لوحدها وتم التصريح عنه سنه ٢٠١٩ وفضل الفيلم يتاجل مره بعد التانيه لحد مختفي تمامًا لحد ما كلنا اتفاجئنا بظهوره في الجزء اتاني من الفيلم .

اما عن اخر حاجه بقاا فهي crew الفيلم او فريق عمل الفيلم كلنا شوفنا تصريح الفنان احمد عز لم اتكلم وقال ان crew ولاد رزق3 هو نفس فريق عمل فيلم ""Mission Impossible لتوم كروز "" فا احنا منستبعدش اي حاجه ممكن تحصل في الفيلم ده ممكن احداث الفيلم تكون مليانه مفاجآت كتير ف انت ما عليك الا ان تصبر وتنتظر كم العظمه اللي هتشوفها في الفيلم . 

وفي النهايه انا اتوقع انه ان "ولاد رزق 3" هيحقق نجاح كبير وانه هيكون الاعلي فسلسه افلام العيد وكمان هيكون نقله جديده في تاريخ الافلام الاكشن العربيه الايرادات المصريه وانه هيكون اعلي فيلم السنه دي .

فهل انت كمان تتوقع ان ولاد رزق هيكون اعلي فيلم السنه دي ؟!