ملخص رواية ماذا لو للكاتبة ساندرا سراج

 ( أندية سكندرية).. بنت الإسكندر تصنع المجد 

كتب: عبدالرحمن هشام 

في إسكندرية ظهرت أندية و لمع نجمها و بقت من أشهر الأندية المصرية و كمان العربية و علشان الناس بتحب الكورة في إسكندرية زي باقي المحافظات هنقدملكم أشهر الأندية السكندرية من زمان و لحد دلوقتي: 

1- الإتحاد السكندري: أشهر نادي في إسكندرية و اللي ياما اتغنى له و اتغنوا بيه و أجمل الأغاني كانت من فنان الشعب سيد درويش و بدأت الرحلة مع الجماهير سنة 1914 و من ألقابه ( سيد البلد، زعيم الثغر) و ملعبه على استاد برج العرب و استاد الإسكندرية و الألقاب المحلية كأس مصر ست مرات، كأس السلطان حسين مرة واحدة، دوري منطقة الإسكندرية 27 مرة، أفضل مركز في الدوري الممتاز و هو المركز التالت مرتين، تمت إقامة مباراة ودية بمناسبة مئوية نادي الإتحاد أمام نادي سبورتنج لشبونة البرتغالي. 

2- النادي الأوليمبي:  مين مننا ميسمعش عن الأوليمبي و اللي اتأسس سنة 1905 تحت اسم النجمة الحمراء و كان بيلعب في دوري الدرجة الأولى و لكنه هبط للدرجة التانية و هو من أعرق الأندية المصرية و أول نادي برا القاهرة يفوز بالدوري المصري و لعب دوري أبطال أفريقيا و وصل لربع النهائي بس انسحب بسبب حرب 1967 و مقر النادي موجود دلوقتي في استاد إسكندرية و لسه بيقدم أداء عالي و نتمنى. نشوفهم قريب في الدوري الممتاز. 

3- نادي سموحة: النادي اتأسس سنة 1949 و يقع مقره الرئيسي في سموحة و المقر الثاني في الحي الرابع بمدينة برج العرب الجديدة و أشهر رئيس للنادي هو المهندس فرج عامر حيث كان رئيساً للنادي منذ عام 1998 و حتى الآن لمدة 25 سنة، و اتسمى النادي بالإسم ده تيمناً بأول رئيس للنادي و هو رجل الأعمال اليهودي جوزيف سموحة، على صعيد البطولات حقق النادي المركز التاني في الدوري كأفضل مركز موسم 2013- 2014 و الوصيف مرتين في كأس مصر سنة 2014،2018 و حقق المركز الرابع في دور المجموعات في دوري أبطال أفريقيا موسم 2014- 2015.

لسه إسكندرية فيها أندية كتير نعرفها و منهم اللي منعرفهوش بس لسه الكورة في دم الإسكندرانيين و الدنيا بتسمع صوتهم و هم بيهتفوا بأعلى صوت بأسامي الأندية اللي مشرفة إسكندرية و بيفرحوا إن فيه أندية سكندرية في المحافل المصرية و كمان العربية.