ملخص رواية ماذا لو للكاتبة ساندرا سراج

 ( أغاني بلد).. إسكندرية و أجمل الأغاني 

كتب: عبدالرحمن هشام 

طبعاً كلنا عارفين أغاني و مغنيين كتير و اللي منهم بيظهر لغاية دلوقتي و بيقدم أغاني بمختلف أنواعها و ظهرت أغاني اتعملت مخصوص لإسكندرية كنوع من أنواع الفرحة و الطاقة و الحب لشط المدينة الأعرق تاريخياً و دلوقتي هنعرض لكم أجمل الأغاني لعروس البحر الأبيض المتوسط: 

1- شط إسكندرية: من غناء فيروز و تلحين الأخوين رحباني و هي من أشهر الأغاني المصرية و اللي لسه موجودة لغاية دلوقتي و مشهورة وسط الناس. 

2- عمار يا إسكندرية: من غناء محمد الحلو من تتر النهاية في مسلسل زيزينيا و لسه بتتغنى و بتتسمع حتى وقتنا هذا من ناس كتير و منتشرةبسبب حب الناس للمسلسل. 

3- يا إسكندرية  : للثلاثي الشيخ إمام و أحمد منيب و محمد منير و من كلمات أحمد فؤاد نجم، و برضه الأغنية دي مسمعة مع الشباب بسبب حبهم للشيخ إمام و الكينج محمد منير. 

4- مدد يا إسكندراني يا مرسي: من غناء على الحجار و من كلمات أحمد فؤاد نجم، على فكرة علي الحجار ليه معجبين و قاعدة جماهيرية كبيرة و رابطة محبين هنا في إسكندرية. 

5- دقوا الشماسي: طبعاً  من غناء المطرب الكبير عبدالحليم حافظ العندليب الأسمر و من كلمات مرسي جميل عزيز و ألحان منير مراد و بتشتغل في المصايف. 

6- بين شطين و مايه: غناء محمد قنديل و كلمات محمد علي أحمد و ألحان كمال الطويل. 

7- يا إسكندرية تاني: غناء محمد الحلو و هو بيغني تتر البداية من مسلسل زيزينيا و من كلمات أحمد فؤاد نجم و ألحان عمار الشريعي. 

و الأغاني كتير جداً و مخلصتش لحد كدا ده لسه فيه أغاني أكتر و بتتسمع لوقتنا ده ، و ده لإن إسكندرية تستاهل و بتلهم ناس كتير إنهم يغنوا لها و يتغنوا بيها و ببحرها.