فيلم ( سمير و شهير و بهير).. ماضي و حاضر و مستقبل
كتب: عبدالرحمن هشام
طبعاً كلنا اتفرجنا على فيلم ( سمير و شهير و بهير) ملايين المرات و عملنا عليه ميمز و كوميك و الفيلم ده من الأفلام اللي في الذاكرة و أيقونة في السينما و أي حد عارف الفيلم و كل مرة بنضحك و مبنزهقش منه و دلوقتي هنتكلم عن الفيلم اللي فكرته بتوحيلك في البداية إنهم مجموعة شباب سافروا عبر الزمن و حصلتلهم أحداث كتير لكن فيه معاني كتير في الفيلم ده و تفاصيل تعرفك إنه لازم ياخد الأوسكار و دلوقتي خلينا نعرف مين هم أبطال الفيلم؟
- الفيلم من إخراج معتز التوني و تأليف أحمد فهمي و هشام ماجد، بطولة الثلاثي أحمد فهمي، شيكو، هشام ماجد، شريف رمزي، إيمي سمير غانم ، رحمة حسن، إنجي وجدان، دلال عبدالعزيز، هناء الشوربجي، سلوى عثمان و ضيوف الشرف الفنان حسن حسني و الفنان محمود الجندي و الفنان أحمد السقا.
خلينا نعرف الفيلم بيتكلم عن إيه؟
- الفيلم بيدور في إطار كوميدي و بيحكي عن تلات شباب كان مطلوب منهم يعملوا مشروع تخرج علشان الدكتور بصير ينجحهم و بتتحول حياتهم لجحيم لما يرجعوا بالزمن لورا و يشوفوا حاجات غريبة و رجعوا لفترة السبعينات و لقوا كل حاجة مختلفة عن الزمن اللي كانوا فيه و يحاولوا يعرَّفوا أبوهم على أمهاتهم في الماضي و يصلحوا اللي حصلو بيودعوا أبوهم و بيسافروا بالزمن عن طريق الآلة اللي شغلوها في مكتب دكتور بصير و هم عندهم امل إنهم يرجعوا لحياتهم الطبيعية لكن بيتفاجئوا إنهم رجعوا بالزمن أوي و وصلوا لعصر الفراعنة و بينتهي الفيلم على كدا.
-( الفيلم ليه معنى مختلف عن الظاهر لينا )
الفيلم مش مجرد قصة كوميدية و هزار و مجموعة شباب بيتوهوا عبر الزمن لكنه بيتكلم عن إنك لازم تصلح علاقتك بالماضي و تديله الفرصة الكافية إنه يحاول يقنعك بالأخطاء بتاعتك و إنها ناتجة عن عدم نضجك و إن وجودها كان أساسي و ضروري علشان تعرف إنك لازم تكبر و تنضج على أساس سليم.
تعليقات
إرسال تعليق