ملخص رواية ماذا لو للكاتبة ساندرا سراج

 فيلم " خطة جيمي " وعلاقته بحب الذات

كتبت- خلود  أحمد

كعادة السينما المصريةاللي بتبين لينا حل وحقيقة كل حاجة بتحصل ف حياتنا.. حياتنا اللي بالنسبة لناس كتير بتتوقف ع قيل وقال .. وتركيزنا فيها دايماً بيكون ع اللي بيعجب الناس حتى لو مش عاجبنا بس المهم اننا نكون ع اجمل وجه .. حتى لو الوجه ده مش مناسب لشخصيتنا نهائي.

 وده بقى اللي اتعرض من خلال فيلم " خطة جيمي" اللي من بطولة كلاً من: ساندي، ولطفي لبيب، وإسلام جمال، والطفلة" جنا عمرو".. كما شارك ف التمثيل كلاً من: هنا الزاهد، وحسام داغر، وهناء الشوربجي، وسامي مغاوري…واللي تم إنتاجه سنة  " 2014" .

بدأت الحدوتة بطفلة عندها قدرات عالية جداً وكانت شاطر واذكى بنت ع مدار سنين دراستها كلها.. بس رغم كل ده فهي كانت وحيدة وبسبب الوحدة دير بقت مخلية الصاحب الوحيد ليها هو " الأكل"، مقدرتش تلاقي ونيس أو صاحب يقدر انه يكمل معاها سنين حياتها، حتى صاحبها كانت معرفتها بيهم معرفة دراسة وامتحانات وبس لغاية ما دخلت الجامعة..  م هنا بدأت تعجب ب" كريم" بطل الجامعة ف " كرة السلة"، كان يعتبر بالنسبالها عبارة عن حلم جميل اوي هي نفسها إنه يتحقق بأي طريقة.

دايماً أي حد عايش حياته وحيد بيلجأ لحاجتين.. صاحب يخرجه من وحدته دي وف بعض الأحيان بيلجأ لطبيب نفسي عشان يقدر يفهم كل حاجة هو بيمر بيها.. أو بمعنى اصح يحط ايده ع مكان الجرح اللي جواه ف يبدأ واحدة واحدة انه يحدد سبب الوحدة دى وكمان بيديله علاج فعال اوى يقدر انه يخليه يعيش حياته بالطريقة المناسبة ليه ولشخصيته الحقيقية اللي بيتعامل فيها مع كل اللي حواليه.

مش عيب اننا نروح لدكتور نفسي عشان نحل مشكلة عندنا.. العيب اللي بجد هو اننا منقدرش تعبنا النفسي واللي قادر إنه يغير مسار حياتنا كله، أي حد بيتعب بس مش أي حد يقدر انه يخف بسهولة.. ناس كتير اوى بتحط المرض النفسي تحت مسميات غريبة اوى اللي يقولك ده مجنون واللي شايف ان العلاج النفسي ده

حب نفسك وشكلك عشان يحبك الناس.. دايماً اي حد عنده اي مشكله جسدية بيكون كاره شكله بطريقة صعبة اوي مش بيحاول حتى يهون الطريق ع نفسه شوية، بس الغريب واوي كمان انه بيلجأ لحلول غريبة اوي.

زي " جميلة" قررت انها تروح تعمل عملية عشان يكون جسمها اقل شويتين ف الوزن .. وكمان فكرت انها تعمل تجارب كتير اوي ومن ضمنهم تجربة "حجر الحياة ".. حاولت كتير تعرف الطرق اللي توصلها للجزء اللي هي عيزاه وحاولت كتير كمان .

الفكرة بقى احنا بنحاول ليه وعشان مين.. في فوق بين " انا بحاول عشان نفسي وعشان اكون احسن، وفرق بين انا بحاول عشان الناس تحبني" عن نفسي عندي اقتناع تام ان الشخص اللي بيحبك هيحبك زي مانت بشكلك وبوزنك وبطريقة لبسك ومشاكلك وكل حاجة .. اصل كل فولة وليها كيال ف متروحش تقول انا هغير نفسي عشان اعجب ده ولا ده يقع ف حبي ولا اي حاجة م دي لان نتيجة كل ده حاجة واحده بس وهي الندم.

لما اللي اتغيرت عشانهم يكتشفوا حقيقتك بجد هيعرفوا انكم كنت بتحاول تكسبهم بأي طريقة ممكنة وخلاص وعشان كدا بقى ليه نحط نفسنا ف مكان مش مكانا.. ليه منفكرش اننا لازم نلجأ لنفسنا افضل نقعد معاها ونفكر هي محتاجة ايه عشان تكون كويسة - مش هي محتاجة ايه عشان تعجب-، نشوف ونصاحب ونعرف نفسنا بجد لان مفيش وقت نعرف فيه افضل من اننا نعرف نفسنا ونحبها عشان نعرف نلاقي اللي بيحبنا بجد.

قريت مقوله مره بتقول" مينفعش البنت توقف حياتها وتفضل مستنية الفارس ابو حصان ابيض.. المفروض انها تمشي ف طريقها والفارس مسيره يجي بس المرادي هيمشي جمبها مش قدامها" ، وتقريباً دي اكتر جملة حبيتها واقتنعت بيها.. ليه نوقف حياتنا ونجاحنا ع وجود شخص مثلاً، ليه نحاول نترجم نفسنا ع اننا لازم نعيش عشان شخص معين مع ان الافضل اننا نعيش ونحب ونحقق نفسنا.. نفسنا وبس .