خواطر مجمعة بقلم مشيئة محمد

خواطر مجمعة بقلم مشيئة محمد في البداية كنت أندهش من قدرة بعض الناس على التجاوز السريع بعد نهاية علاقة ما في حياتهم، كنت أعتقد أن الحب لم يلمس قلوبهم من الأساس وأنهم طوال مدة العلاقة كانوا يكذبون في مشاعرهم.. لكنني مع الوقت أدركت أن أحيانًا التجاوز السريع لأنك قدمت كل مشاعرك، استهلكت واستنفذت طاقتك، لم تبخل بعطائك وتضحياتك، وتنازلت وسعيت بكل ما فيك للحفاظ على العلاقة، لأنك تحملت أكثر مما ينبغي، ولأنك راضي جدًا عن موقفك حتى اللحظة الأخيرة . أدركت أن التجاوز السريع لا يحدث إلا بعد أن يتأذى كل ما فيك العالم كُله بيقول ان كُل حاجة بتعدي ، وطبعا اي فترة سيئة بتعدي ، والليل بييجي والشمس بتطلع ، والكون مش بيقف علشان حد مكتئب وحزين ، كُل دَ كلام حلو ومنطقي وبنقوله لـ نفسنا كتير عشان الدنيا تمشي وخلاص حتى لو مش مقتنعين بيه ، لكن الصورة للأسف مش كدَ اللي جوا الدايرة ، دايرة واسعة وعميقه عبارة عن حزن وقلق وخوف ومشاعر سلبية وهشاشه نفسيه مرعبة متجمعين مع بعض ، اللي فـ الدايرة دِ مش مستني الشمس تطلع ، لأنه مش مهتم بـ كدَ اصلًا ، همومه بتكون شغلاه عن اكتر الأمور منطقية وطبيعية . لم أبكي حين غادرتني لكنني بكيت حين استيقظت صباحاً ، حملت هاتفي لأكلمك ونسيت أنك منذ الليلة الفائتة لم تعود لي ، بكيت حينما أغلقت باب غرفتي على امل أن أحصل على بعض الراحة وحاصرتني ذكرياتك في كل زاوية و ليس هناك مفر ، بكيت حينما قابلت أصدقائي و تجاهلوا سؤالهم المعتاد عنك بل سألوني عني هل أنت بخير ؟ لم يكن ألم غيابك ما يبكيني و لكني بكيت ألماً عندما أحسست فجأة بهذا الفراغ الذي خلفته ورائك أنا الآن حين أفرح لا أجد من أشاركه فرحي ف أبكي و حين أحزن لا أجد من يفهم كلماتي او يخفف عني ف أبكي ، ، وفي قمة انشغالي لا أجد من يسرق وقتي ليطمئن عني ف أبكي ، أبكي لأنك احتليت مكانة الشخص الأول و لم تكن الأخير كما وعدتني ، أبكي لتعمدك إيذائي بكل ما أوتيت من قسوة ، و لكن اطمئن ستجف دموعي يوماً ما و لكن أنت أخبرني هل ما زال ضميرك بخير ؟ قالت : انا مش أم كلثوم عشان اقوله "واختارت ابعد وعرفت أعند حتي الهَجر قدرت عليه .. شوفت القسوه بتعمل ايه ؟ .. بكل أسف أنا مش هي ، أنا هي وهي بتقول ' كنت بشتاقلك وانا وانت هنا' بس للأسف هو بعيد دلوقتي ف بتيجي الست تكمل عليا وتقول ' والعمل ايه العمل م تقولي أعمل ايه ؟ والامل إنتَ الامل تحرمني منك ليه ، وفين انت ي نور عيني ي روح قلبي فين !؟ وبرضو مفيش اجابات تطمن ، تحسي الست كانت غاوية تخلينا عاجزين بأسئله صحابها مش موجودين عشان يدوكي اجابه حتي .. ، أنا كل مره بهرب من الدنيا ليه أو ل صورته بمعني اصح مبسمعش ام كلثوم الا وهي بتقول ' ومهما البُعد حيرني ، ومهما الشوق سهرني ، لا طول بُعدك يغيرني ولا الايام بتبعدني بعيد عنك ، وعمري م هشوفه غير ف الكوبليه ده: في حبه تفاصيل كدا مهمة مش لـ أي حد ...'' - يعني مثلا لما تسمع صوت هاني الدقاق بيقول ''ريتك معايا...'' فـ تبص ف عين الفيفوريت بيرسون وزى ما بيقولو كدا تملي عينك منه لـ يجي يوم وميبقاش موجود وتغني زى هانى ريتك معايا فعلا ...؟؟ .. مش اى حد تبصله كدا . ! أو مثلا لما بيقول "ومنين اجيبك يا سمرا ياللى عيونك دوايا'' وقتها السمرا مش هتعمل اي حاجة غير أنها تمسك ايدك تطمن الوقت اللى بينكو أنها معاك . أو لما يقول ''تدوم الضحكة دى ويدوم وجودك كل اول يوم '' وتبادل الشخص بنفس الضحكة ومن جواك تقول يارب فعلا تفضل معايا العمر كله ": وبرضو لما يغني " متفوتنيش أنا وحدي" وقتها بدون تفكير هتقرب على ودنه عشان يسمعك ف وسط الدوشة اللى حوليكو وتوعده اول وعد صريح انك مش هتمشي مهما حصل وانك عمره ما هتفوته لوحده . وياسلام بقي لو يغني "زيك انا" فـ تبوسه من خده عشان أخيراً لقيت حد زيك حد يشاركك حياتك . وبعد ما تشتغل أغنية مساومات وشيخ البلد والضحك يعُم ما بينكو .. يبدء يقول "أنا هويت وانتهيت" وقتها المفروض بقي تسند على كتفه وتسمعو المزيكا الهادية سوا .. ولما يقول فـ نفس الأغنية برضو "خلي بقي اللى يقول يقول" مفيش مانع لو تحضنه حضن سريع ... ": وقبل مل تمشو يغني "برغم المسافة اللى بينك وبيني " عشان تودعوا بعض وكل واحد يروح ف مكان بس روحه تفضل مع التاني . لحد ما يجي يوم وتتقابلو .. وقتها مش هيكون في حفلة فـ هتفتحوا الساوند عادى وتشغلو "فاكرة أما كنا " عشان تفتكروا كل لحظة بينكو يومها