اغرب العادات زمن الفراعنة

كتب: حسن الشحات حسن 

زمن الفراعنة مليء بكثير من عادات الغربية عادات فيها نوع من أنواع الغموض نستعرض في هذا المقال بعض العادات الغربية زمن المصريين القدماء

عند وفاة أحد الأشخاص:

الفراعنه كلنا عارفين من اول الناس اللي آمنت بالحياة بعد الموت مكتفوش بفكرة البعث والخلود بس، لا كانو كمان يتعاملو كمان على أساس ده يعني لما كان حد من الأشخاص يموت كانوا يحطه في مكان دفنه معاه اي حاجه كان يحتاجها المتوفى بس وهو عايش هما بقى كانو بيحطوها معاه بعد الوفاة زي اكل و شرب و ملابس ، نصوص فرعونية وتماثيل لاعتقاد أنها تحميه كمان الفراعنة كان عندهم اعتقاد وهو ان لو انت ما اهتمتش بطقوس الجنازة وحزنك على المتوفى ده هيخلي المتوفى غضبان منك ويصيبك بلعنات لأن المصريين القدماء بيؤمنو ان المتوفي يفرح ويحزن مثل الحي

  انتشار زواج المحارم:

 عادة زواج المحارم كانت موجوده بكثره عهد الفراعنة خاصة بين الملوك  

طب اشمعنا منتشر اوي بين الملوك ؟ 

اقولك عشان الملك كان ساعات معندوش اخوات ولاد ولا أبناء ولاد يسيب الحكم يخرج عن الاسره ؟ لا هنا كان الملك يتزوج من أمه أو أخته أو ابنته

مثلا الملك " توت عنخ آمون " الذي كان نتيجة زواج والديه اللي هما أصلا اخوات بس خليني اقولك ان موضوع زواج المحارم مش بيعدي عادة وخلاص يعني مثال على اللي هقوله برضه الملك " توت عنخ أمون " كان عنده مشاكل وأمراض وراثية كتير نتيجة ده 

 بعد وفاة توت عنخ امون بالاف السنين تم عمل اختبارات الحمض النووي الخاص بيه بواسطة علماء وأظهرت أن توت عنخ أمون كان أعرج بمعنى أنه كان بيمشي بعرجة زي اللي يتسنى علي عصاية لو مكنش فعلا بيسند على عصاية بسبب ان رجليه كانت مشوهة وكمان العمود الفقري لتوت كان منحني مكنش مستقيم زي الطبيعي وكان عنده ضعف في جهازه المناعي اللي خلاه معرض وضحية سهله لكل الأمراض كل الأمراض اللي كان فيها " توت عنخ أمون " كان عمره لا يتعدي الـ ١٩ عام بسبب مشاكله الوراثية نتيجة زواج المحارم 

ليه المصريين القدماء شعرهم قصير؟ 

سألت نفسك قبل كده بعد ما بصيت بتركيز علي رسومات اللي علي المعابد أن رجال ونساء زمن الفراعنة شعرهم قصير خليني اجاوبك انا لو القصات الغريبه في زمننا شئ من الموضة ففي زمن الفراعنة كانت الصلعة والشعر القصير هي الموضة ايوة انت سمعت صح الصلعة وتقصير الشعر هي المنتشرة في زمن الفراعنة وموضة دي علي سبيل الهزار القصد أنك كقارئ تفهم مدى انتشارها وقتها طب بما انك سألت وقلت ليه كانوا بيقصرو شعرهم 

الإجابة : لأنها كانت على سبيل النظافه ولمواجهة و للوقاية من الأمراض الناتجة عن سوء النظافة ولمحاربة قمل الشعر

 بس ثواني ده المصريين القدماء كان معظمهم في الوجه القبلي يعني الأقصر وأسوان يعني الشمس ودرجة الحرارة العالية جدا كانو يحلو المشكله دي ازاي ؟ 

اقولك بأنهم كانو بيلبسو شعر مستعار ( باروكة) يعني وكانت بتختلف من حد للتاني يعني مثلا الفقير يلبس باروكة عبارة عن ضفيرة واحدة الأغنياء لا ممكن يلبسو زي باروكة كاملة عادي دي كانت بتخلي المظهر حلو وبتحمي من أشعة الشمس الموضوع ده لرجال ونساء

3) العسل والذباب: 

استخدامات العسل التي ولا تزال كلها استخدامات عظيمة لكن وظفها أحد ملوك الفراعنة استخدام جديد وغريب وامر مضحك وهو ( الملك بيبي الثاني) المشهور باسم ملك الذباب أحد ملوك الأسرة السادسة والذي تقول الأسطورة عنه أنه كان من تواجد الذباب عليه فكان يجيب اثنين من العبيد بجانبه وهم عراة مدهونين بالعسل حسب اعتقاده الذباب يذهب للعبيد ويبعد عنه

  اكتشاف علامة لأحد عمال بناء الهرم الأكبر 

العمال الذين شاركوا في بناء الهرم الأكبر اعتادوا على وضع علامه خاصه لهم على الحجر المستخدم في البناء ممكن على سبيل معرفة ما أنجزوه والوقوف عند نهاية اليوم و البدء من هذه العلامة في اليوم الثاني…. الخ

 في عام 2011 تم اكتشافات إحدى العلامات داخل غرفة سرية بهرم الملك خوفو وتم التقاطها بواسطة احدي الكاميرات ذات الحجم الدقيق لتدخل في إحدي الفتحات الضيقة وعلى حسب بعض الأقاويل أن هذه العلامات قد تكون امضة احدي العمال أو غيرها